మరులు విరులై హృదిలో విరబూస్తే
తలంపు మనసు కిటికీలు తెరిపిస్తే
వలపు కడలికెరటమై ఎదలో దుమికితే
తాపం తనువెల్ల తరిమి తరిమి తడిమితే
యువతలో నవభావం లాలసే ఉబికొస్తే
చిగురించిన చిరుప్రేమ చిందులే తొక్కితే
కలిసిన మనసులే కనులు ద్వారలు మూసేస్తే
చెంపలు తాకిన ఊపిరే మది కోరిక సందేశాలిస్తే
తాకిన చేతులే తనువు తహతహలు తెలిపితే
పడకలైన పచ్చిక బైర్లే వేడి నిట్టూర్పులకు వడిలి సిగ్గుతో పచ్చబడే
విసురజ 20DEC12