నాటి భారతంలో కుంతి నేటి భారతంలో ఇంతి
తప్పులు సేయంగ బిడ్డలకు జన్మనిచ్చే
తన తప్పెరుగని పసికూన పరిహాసపు పాపడవ్వే
తప్పెవరిదైన ఫలితం పొందేది విసిరేయబడ్డ బ్రతుకుదే
అమ్మని చూడని బిడ్డడని పరువుకై త్యజించబడినవాణ్ణి
కావాలనే అమ్మే దూరం చేసుకున్న అనామకుడ్ని అభాగ్యుణ్ణి
చెత్తకుప్పలపైనో ముళ్ళకంపల మాటునో వదిలేస్తే కుక్కలకు ఆహారాన్ని
అనురాగం ఆర్ద్రత నిండిన చేతులే చేరదీస్తే చిగురించిన అదృష్టాన్ని
జననీ నీకు చేతులెత్తి మొక్కుతా ముందుగా తప్పు చేయమాకు
చేసితివి పో పోయి మగపురుషుడ్నినిలదీసిగాని నను కనమాకు
విసురజ