కవిత: మనసే పలికే

కురులలో విరులు
సోయగాల ఝరులు
పిల్లగాలుల పరిమళాలు
ఎదను మురిపించదా మనసా

పసిపాపల కేరింతలు
వయసుభామినుల పకపకలు
ప్రౌఢమ్మల కబుర్లుకాకరకాయలు
ప్రాయపుపరిణితి మిసమిసలే మనసా

పదకవితల మాధుర్యాలు
ఆత్మీయతల అభివాదాలు
సుఖభొగాల లాలసలు
మధుర భావనలేగా మనసా

సంధ్యాకాంతుల జిలుగువెలుగులు వానరాకపోకల మట్టివాసనామ్రుతాలు
ప్రక్రుతికాంతలిష్టపడే వాసంతసమీరాలు
ప్రణయరాగాలకు మేలుకొలుపులే మనసా