శ్రావణ శుక్రవారపు విందు

 Friday, August 12, 2011 at 1:13pm ·

ఇంట్లో శ్రీమతి శ్రావణ శుక్రవారపు పొద్దున
శ్రీదేవి పూజ చక్కగా పూర్తి చేసింది.
పిలిచిన వారందరు వచ్చారని తెలిసింది.
అమ్మవారికి ప్రసాదం పెట్టినాక
వచ్చినవారి భోజనాలైనాక నా వంతు వచ్చింది.
పళ్ళెంలో వేసిన పదార్ధాలు చూడంగ
శ్రీమతి యెందుకు తెల్లారగట్ల 3.30కే లేచిందో అర్దమయ్యింది.
చేసిన వంటకాలు చెప్పినచో నోరు వూరేనేమో----
అన్నము, టమోట పప్పు, బెండకాయ వేపుడు, దోసకాయ పచ్చడి, కరివేపాకు పొడి, ములక్కాడల ముక్కల పులుసు మరియు గడ్డ పెరుగు
స్పెషల్స్-----పులిహోర, బెల్లంపరవన్నం, ఆనపకాయ బజ్జీలు, కట్టెపొంగలి మరియు బూరేలు
విందు భోజనము చేయంగ భుక్తాయసముతో నిద్దుర వచ్చేనే,
ఆఫీసు యెట్ల పోవలనే రామ రామ ఈ బాధ యెవరికి రావద్దునే.
(అందరు నాలగే శ్రీమతిని తబ్బిబ్బు చేయడానికి డప్పాలు కొడుతుంటారని భావిస్తు)
మీ విసురజ