శ్రావణమాసం వచ్చింది/యిబ్బంది తెచ్చింది

 Wednesday, August 10, 2011 at 7:26pm ·

శ్రావణమాసం వచ్చింది
పూజల సీజను తెచ్చింది
మంగళవారపు నోములంట
శుక్రవారపు పూజలంట
అమ్మలక్కల కొత్త చీరల ప్రదర్శనలు
ఆ చీరకొంగుల రెపరెపలు వారి పకవికలు
అహో దర్శించ కడు రమణీయ దృశ్యము


ఇంటికి రంగులంట
ఇంట్లో రంగవల్లులంట
ఇంటిగుమ్మాలకి మామిడితోరణాలంట
ఇంటిద్వారాలకి పూలదండలంట
ఇంటిముందర ముగ్గులంట వీలైతే గొబ్బెమ్మల్లంట


పూజల్లోన సాంప్రదాయాలు పాటిస్తారు
సామూహిక ఆరాధనలో మునిగి తేలుతారు
ఇనపెట్టెల్లోంచి బీరువాల్లోంచి బంగారునగలు బయటకు వస్తాయి
నవ్వుతూ కోమలి అలంకరణలో భాగమవుతాయి


పూజలన్ని కుటుంబము కొరకేనంటారు
నోములన్ని మగని కోసమేంటారు
పూజవేళలోపే యింటిగడప దాటలంటారు
లేకపోతే యింట్లోనే గదిలో వుండమంటారు
పిలవక బయటకు రావలదంటారు


పూజ పూర్తిగాక యేదియూ దొరకదు
ప్రసాదం భక్తులకు యిబ్బంది తప్పదు
మెచ్చిన శ్రీమతి గంట కొట్టినాక
ఇంటి యిల్లాలు హారతి యిచ్చినాక
ఇంటికి వచ్చినవారి షడ్రుచుల భోజనమైనాక
నీ వంతు వచ్చును నీ ఆకలి తీరును
అప్పుడే పుణ్యము దొరుకును మోక్షము దరిచేరును


శ్రావణమాసం వచ్చింది
పూజల సీజను తెచ్చింది
మంగళవారపు నోములంట
శుక్రవారపు పూజలంట
ఆకలికేకలు తప్పవంట
ఏమన్న వినరంట వినబడంట
గట్టిగా అనడానికి వీల్లేదంట
శిరస్త్రాణం వేసుకుని యింట్లో వుండలేమంట