దీక్షిత రామాయణం

(10వ భాగం )

ఆ నరోత్తముడి దివ్య గుణగణాలు ఇవాల్టికీ లోకులకు ఆచరణ యోగ్యము, ఆచరణ సాధ్యమూ కావడానికి, వారు ఆయనను ఆదర్శంగా ఎంచి అనుసరించడానికి ఆయన మానవుడే కావడం దోహదం చేసింది.

రామాదుల వల్లనే, రామాయణం వల్లనే ఇవాల్టికీ లోకంలో మంచి అనేది కొంతైనా మిగిలి ఉంది. రామాయణమే లేకుంటే, రామాయణం పై జనులకు విశ్వాసమే లేకుంటే సమాజంలో నైతిక విలువలు, కుటుంబ విలువలు, మానవ సంబంధాలు ఈపాటికే పూర్తిగా లుప్తం అయిపోయి ఉండేవి. మానవుడనే వాడు మచ్చుకైనా కనిపించని పరిపూర్ణ దానవ సమాజమే దాపురించి ఉండేది. అందుకే శ్రీమద్రామాయణం సర్వ మానవాళికీ ఆదర్శనీయ గ్రంథం. ఇందలి ధర్మాలు సర్వ లోకాలకూ, సర్వ కాలాలకూ అనుసరణీయాలు. ఇందలి నాయకుడు శ్రీరామచంద్రుడు సర్వులకూ సర్వదా ఆరాధ్యనీయుడు