1) జీవిత యాత్రలో ఎందరో జనులను కలుస్తుంటాం, కొంతమందితో పరిచయాలు, మరికొంతమందితో చుట్టరికం మరి ఇతరత్రా మతలబులు వుంటాయి. అయితే వీరిలో పనుల కారణంగా నౌకర్లను, కష్టాలలో బంధువులను, విపత్కరాలలో స్నేహితులను మరి పేదరికంలో/ఇబ్బందులలో భార్య/భర్తను అర్ధం చేసుకోగలుగుతాం.

2) బ్రతుకులో ఆనందంగా ఉండాలంటే జీవితంలో పైపైకి ఎదగాలంటే నీ బాధలను అభివ్యక్తం చెయ్యటానికి కన్నీళ్ల సాయం తీసుకోవద్దు అలాగే నీకు కోపం కలిగినప్పుడు మాటల/తిట్ల సాయం అస్సలు తీసుకోవద్దు. జాలిపై కలిగిన అనురాగం కలకాలం వుండదు, కోపంతో మాట్లాడినప్పుడు విచక్షణ మనిషికి వుండదు. తెలిసి మెలగండి తెలివిగా మెలగండి.
(మితిమీరిన క్రోధం క్లేశమునకే దారితీయుగా)