1) బరువు బాధ్యతల క్రమంలో జీవితపు సంఘర్షణ రణంలో ఎప్పుడు నీవు వెనకడుగు వేయకు. ఏ ప్రపంచ చరిత్ర చూసిన రణంలో/యుద్దంలోనైనా లేక జీవన సంగ్రామంలోనైనా వెన్ను చూపిన వారిని క్షమించలేదు. అటువంటి వారిని పరిహసించి, పరాభవించి, గౌరవహీనులుగ పరిగణించేరు. వెన్ను చూపే వన్నెకెక్కడు. విజయమో వీరస్వర్గమో పోరాడి తీరవలసిందే.

2) జీవన తీరంలో చల్లగాలుల వల్ల ఆహ్లాదభరిత వాతావరణం వున్నట్టుగానే ఆ జీవనపు తీరానికి ఒడిదొడుకుల కెరటాలు కూడా తాకుతుంటాయి. అలాగే మరెక్కడో కల్లోలం జరిగిన నీ జీవనపు తీరాన్ని ఒకోసారి ఆ కల్లోలపు తుఫాను కూడా పలకరిస్తుంటుంది. పన్నీరిచ్చినా, కన్నీరిచ్చినా ఆ జీవనపు తీరంలో దొరికాయి కాబట్టి అన్నిటినీ సమానంగా తీసుకుని మనుగడని ముందుకు తీసుకెళ్ళాలి.
.........
విసురజ

(P.S....మనిషి ఎల్లవేళలా సకల సుఖాలతో వర్ధిల్లడం దుర్లభం, అత్యాశే అవుతుంది)