దీక్షిత రామాయణం
 (11వ భాగం )


రామాయణాన్ని వాల్మీకి ఎప్పుడు రాశాడనే కాల నిర్ణయం, ఏ పేరుతో రాశాడనే సదసత్ సంశయం మనకు సమస్యలు కారాదు.ఎప్పుడు రాసాడని గాక ఏమి చెప్పాడనే విషయాన్ని ప్రమాణంగా తీసుకోవాలి. ఈ దివ్య గ్రంథం ద్వారా వాల్మీకి ప్రతిష్టించిన లోకోత్తర విలువలను గమనంలోకి తీసుకోవాలి.
రాముడు స్వయం ధర్మావతారుడు. ధర్మం పురుషాకృతి దాలిస్తే అది రామునిగానే సాక్షాత్కరిస్తుంది. అందుచేత రాముని ప్రతి చర్యా ధర్మ బద్ధమే అవుతుంది. రాముని చర్యలో, మాటలో, నడతలో ఎక్కడా ధర్మాధర్మ విచక్షణ మనకు అనవసరం. ఎందుకంటే రాముడే ధర్మ స్వరూపుడు. ధర్మం తాను స్వయంగా అధర్మం ఎట్లా చేయగలుగుతుంది?
ధర్మం ఒక పరిపూర్ణ పురుషునిగా అవతరించి సంపూర్ణ వ్యక్తిత్వంతో మసలితే ఎలా ఉంటుందంటే ... శ్రీరాముడ్ని చూసినట్టే ఉంటుంది.