అందమైన జీవితాన్ని ఓపికలేని బిడ్డలే అర్ధాంతరంగా ముగిస్తుంటే
నిన్నా నేటిపై క్షోభతో కోపంతో ఆక్రోశంతో
రేపుపై ఎక్కడలేని నిరాశతో బాధతో చెదిరిన తలపులతో
అలసిన మనసుతో బలహీన క్షణాన బ్రతుకే బరువనుకుంటే
ఎదలోని మానసిక వేదనే చావుకి పిలుపివ్వమంటుంటే
ఒక్కమారాగి ఆలోచించవా మిత్రమా కన్నతల్లి మోముని తనబాధని
ఒక్కమారాగి యోచించవా దిగాలుపడ్డ మమతని పగిలిన తండ్రి నమ్మకాన్ని విశ్వాసాన్ని
ఒక్కమారు నెమ్మదిగా యోచించరూ మీరు గడపిన మధురక్షణాలను
జీవితంలో మీరు ఆస్వాదించిన ఆత్మీయ అనురాగాల గీతమాలికలను
విశ్వాసం కోల్పోకు మిత్రుమా కష్టపెట్టే పరిస్థితులకు లొంగకు
ఒక ఓటమే బీజమయ్యేగా మిత్రమా మరో గెలుపుకు
చచ్చి సాధించేదేముంది నీవారిని ఏడిపించడం తప్పా
బతికి సాధించు మిత్రమా బాధ్యతగా వ్యవహరించు
సమస్యలన్నీ అధిగమించి ఇక్కడే దివ్యలోకాన్ని సృష్టించు
,,,,,
No comments:
Post a Comment