కవిత:మధుర మాట బాట

అనురాగమూర్తి ఆత్మీయ పలకరింపు
మధురభావనల పన్నీటి చిలకరింపు

ఆత్మీయతావాణి తీయని తలుపు
మధురూహలిచ్చే చల్లని పిలుపు

వయసుతో నిమిత్తమదేమి
ఆప్యాయత అభిమానాల కలలకలబోతకు

నింగితో నిమిత్తమదేమి 
తారల మిణుకుప్రభలు వెల్లివిరియడానికి

చీకటితో నిమిత్తమదేమి
జాబిలి సోయగాలు ఆరబోయడానికి

వెలుగుతో నిమిత్తమదేమి నెచ్చెలి నగుమోము మెరవడానికి

నెయ్యములోని తీపిరుచులు
హృదయంలోని తీపితలపులు
సరసాల సౌఖ్యాల ఆనందాల ఊయలలూగే

విరులపై మమకారాల మౌజులు
తుమ్మెదల వలపు దాడికి మూలకారణాలు

పరువాల బింకాల తబ్బిబ్బులు
తరిమిసే ఎడదలోని సందేహాల ఆంక్షలు

వయసుపొంగు బాలమెరుపు
ఎల్లకాలం ఉండేనా కలకాలం నిలిచేనా

మెచ్చిన మనసు నచ్చినదైతే
తలపు వలపు తెరుచు

నిజాయతినిష్ఠ ప్రేమలో కరువైతే
నిజస్నేహ రుచులు హరించు
.........